Mei Liadabuach - Zuvü vo de Oaschdanz

Das ist die Seite von Gustav Freudmann / Mei Liadabuach

Zuvü vo de Oaschdanz

(Too much Monkey Business/Yardbirds nach Chuck Berry)

Schualsd umadum eis wia, barawasd in da Hockn fix,
in da Bosd, kaunnsd wedtn drauf, Rechnung, Mahnung und sunsd nix.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Keula schdeign di au und woin di wieda nix wia Meia mochn.
Sogn da, kaunnsd ruhich kaufn, geh prowias und zoisdas nächsde Wochn.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Blonde Hoa, Supakods, woadt nua dossd ia gesd am Leim.
Heirodn und Nesdal baun, Kinda griagn, a Biachl schreim.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Jedn Dog da söwe Ziakus, aus da Habfn, in de Schui.
Brauchsd da nix draus mochn, weu des wosd gean häsd, zöd eh grod nui.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Indtanedt schdreigd scho wieda, hängsd in dera Woadteschleifn
und a Stund laung, dans nua Gschichdtln druckn und si goa nix bfeifn.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Bundeshea, brauchd kana mea, hubf in Gadsch, buds es Gwea.
Links und rechds, Vagadtarung, loss di daschiassn, is ned schwea.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.

Hacklsd auf da Dankschdö brav, bisd da Schani, frissd in Kidt.
Bolia de Scheim, bumb de Rafn, dscheck es Ö, fimf Eiro Schbrid.
Zuvü vo de Oaschdanz,
zuvü vo de Oaschdanz,
zuvü vo de Oaschdanz,
vü zu vü fia mi.